Жеңіс күніне орай музейде соғыс жылдарының аңызға айналған әндеріне арналған музыкалық кеш өтті. Қонақтарға музей қорында сақталған, сол дәуірдің шынайы үнін жеткізетін күйтабақтар көрмесі ұсынылды.
Кештің ерекше атмосферасын № 9 мектеп-гимназиясының оқушылары орындаған жауынгерлер ерлігі туралы өлеңдер толықтырды. Патефон күйтабақтарынан жадының, ерліктің және Жеңістің символына айналған әндер шырқалды:
«Священная война» (әні А. Александров, сөзі Лебедев-Кумач), «Катюша» (әні М. Блантер, сөзі М.Исаковский), «Синий платочек» (әні Е.Петерсбурский, сөзі М.Максимов), «В землянке» (әні К. Листов, сөзі А. Сурков), «Журавли» (әні. Я. Френкель, сөзі Р. Ғамзатов), «День Победы» (әні Д. Тухманов, сөзі В. Харитонов)
Күйтабақтарда ұқыпты сақталған бұл шығармалар бүгін де жүректерге әсер етіп, жеңімпаз ұрпақтың ерлігін еске салады.
